woulo pou 1yé Mé an lari Bastè.
Fanmi, zanmi gran kon piti, avòté matrité, fò nou tout désann an lari poudi sé mésyé la AWA!
Arèsté maché si frisi a maléré.
Sonjé ayen pé ké kon avan...
Nou kontan vwè zòt asi blog lasa ! Sa ki vin zyété pé lésé dé momaké pou bay grennsèl a yo. Annou wouvè lawonn si sa ka pasé atè Gwadloup, é gadé sa y ka fèt dòt koté si Latè.
Kouté radyo tanbou 105.00 FM
Dènyé kamo
Bòdlanmè pa lwen...
Mèkrèdilésann, mi nou komansé vwè douvan.Apré on pakèt monté désann patrona près akté zafè a "200 éwo la".Men ayen poko signé, nou ja pri on fwa, nou pé ké pri dé fwa.Nou ni mousach an sòlèy,alò fò nou prangad kivlédi fò rété mobilizé.Jòdila, lézòm ni mo pou fè mannèv davwa bòdlanmè pa lwen.Apiyé, sa ki an bèk ki an fal, nou pa ka lagé on may pou yo. Fò fè konsyans a pèp an nou vansé, an nou pa pè pòté lèsplikasyon ba toutmoun an nou: fanmi, zanmi, kanmarad, vwazen. Ansanm nou ka lité ansanm nou ké gannyé konba lasa.
Jou nou ké mèt a jounou pé ké vwè jou!
Dènyé koubouyon lang
Nonm politik a tout koloni fransé monté aka prézidan a Lafrans.Yo té paré pou fasadé épi misyé.Lèwgadé rivé an chato la yo kayé. Yo kayé douvan vèglaj a prézidan la. Yo tèlman kayé, yo obliyé sa yo té monté chèché. Yo viré épi on biten yo menm paté a-y èché. Alè, yo vlé fè nou lavé-y, ki nou vlé, ki nou pa vlé-y...Apa on bab alò.Sa ki pé pòté on lèsplikasyon ban nou, pa pè: nou ka atann grennsèl a zò!
Lonnè é rèspé pou militan (jak Bino) tonbé anba bal. Men ki bal?
Gwadloup nou enmé jan ou owlalwa...
Pa lévé men si gwadloupéyen!
