grennsel

Gwadloupéyen, kalanswa la ou yé doubout pou péyi a-w!!

Alantou a lidé a kanmarad Olivyé.O, on krèy asosiyasyon (kiltirèl é spò Madikéra -Roazhon,Piment des îles,A.S Outre Mer)rivé sanblé douvan lanméri Rèn sanmdi 21 févriyé pou bokanté pawòl si sitiasyon a péyi Gwadloup é davwa pa ni gran konba san gwoka, tanbou wouklé toubònman andidan Rèn(Roazhon yo ka di an lang brèton, sé sa Phòl).Padavwa kalanswa sa yo pé di, pèp an nou ni on dyaspora ki chouké an vant a bèt la dépi nanni-nannan. Mensi nou pa té toujou dakò si onlo biten,jòdijou nou rivé sanblé pa tipilo pou défann manman nou (Gwaloup).Wè!yo té konprann nou pa té ké janmen rivé mèt nou ansanm: tan fè tan tan lésé...Wi nou aprann ansanm nou pli fò.Mizi an mizi, nou ké rivé fè moun sav ka nou yé.Wi nou nou sé on pèp,non nou pa la pou lajan.Plis dignité plis rèspé, on tipilo jistis é on titak vérité.